اخطاء حماس

وما خفي كان اعظم

والله ما في حدا ما بخطئ

وكل بني آدم خطاء

وما حدا معصوم عن الخطأ

وفعلا وما خفي أعظم يا أبو محمود

وإذا انكتب صفحة عن اخطاء حماس من وجهة نظر اشخاص

انا بقدر أكتبلك مجلدات بأخطاء السلطة وبدون اشي مخفي لانه كل شي انكشف والحمد لله

وشكلين ما بحكي

حاضر... بس احنا حبينا نكون عادلين بطرح القضايا حتى لا نظلم جهة ما لحساب جهة اخرى

اشرف انت قل فترة طرحت موضوع عن المواضيع الكاذبه ونحذر منها

وللأسف انت وقعت بأعظم فخ صنعته لنفسك

يا الحبيب الصورة إلي انت حطيتها عرضت قبل فترة على قناة الحوار بأنه الجيش المصري مسك هالشب وهو بيهرب الخروف وطرحوا قضية المعناة الحاصة عند أهل غزة

وانت حاليا قاعد بتقع في فخهم وكلامك يوحي بأنك ضد الأنفاق

ومثل ما حكى أبو شادي اغلق الموضوع

ومرة ثانية لما بدك تكون عادل كون عادل بالأول مع نفسك وصدق المواضيع إلي بتطرحها وإلا بطلب منك لا تكتب اشي عن حماس ولا شعب غزة

وشكرا

بعدين مع هالمواضيع
فكونا من الاثنين ولكل مجتهد نصيب

وأنا مع غسان

مع احترامي للجميع بس اللي ما يعجبو موضوع ارجو ان لا يعلق عليه
وما في حدا من حقو يطلب ايقاف اي موضوع
صاحب القرار الوحيد في ايقاف اي موضوع هو كاتبه طالما لم يخل بالاداب العامه
ويا ريت يا سيد محمد كان سمعنا هالحكي لما طرحنا موضوع السلطه
على كلا .... الخلاصه ..
اللي ما يعجبو موضوع ما يعلق عليه وفي بدالو مواضيع كثيره مثل الميرميه والنعنع يروح يعلق عليها
الخيار لك ولكن تنتهي حريتك عندما تبدأ حرية الاخرين
ملاحظه
الصوره اللي مش عاجبتك ما تعني شيء اعتبر الموضوع نزل بدون صوره وشوف المعلومات اللي بالموضوع.
وما تفكرو انو الكل ملائكه دائما في منتفعيين من الوضع السيء

أشرف ... كيف حالك؟

أنا ما حكيت أغلق الموضوع لأني خايف منك ويلى لأنك حكيت اشي مش مزبوط أو لأنه حكيت عن حماس أو السلطة

أنا حكي اغلقه لأني حسيت في كثير ناس بالموقع بتتأثر بهذا النقاش وخصوصا أبو محمود وأنا حسام بعز علي وبحترمه مثل أخوي الكبير

وبالنسبة للصورة كيف اعتبرها ما نزلت وهي نازلة على كل حال انت فلسطيني وإذا كان ضميرك مرتاح وانت بتكتب هيك موضوع في موقعنا يا مرحبا فيك وفيه
والباقي عندك

عشان هيك طلبت إيقاف الموضوع لحتى ما حدا يزعل من الثاني بس مبين عليك ما شاء الله وكأنك مستعد تواجه الواد حتى لو بالقوة

على كل حال شكرا على ردة فعلك الغير طبيعية لأنه إلي بعرفه انك مش هيك ولأجلك رح أعتبر انك ما هاجمتني في الطريقة هاي لأنا أكبر من هيك أمور

بس أنا طلبت تتأتكد من صحة المعلومات خصوصا لما تكون من طرف اشي اسمه مصر فقط لا غير

وبعدين أنا ما طلبت إيقافه إلا لما غسان ومسعود طلبه إيقافه وإذا بدك منضل للصبح نتناقش في هيك مواضيع
بدون وجود حلول ولكل اقتناعه

وتفضل كمل نقاشك
ولما أبو شادي يطلب إيقاف الموضوع أو أي حدا من الأعضاء لازم تحترم آرائهم وما تهاجمهم في الطريقة هاي لأنه منضل أصغر منهم

وخيركم من بدأ بالصلح

وأنا بقدملك اعتذاري يا الحبيب وهاي بوسة صلح

و السيد ابو شادي مع احترامي الك ولجميع الاعضاء مشاركتك الاخيرة مش في محلها وبها اساءة كبيرة
ورجاءا حذفها وبالنسبة لمحمد نصري الموضوع الي ما بعجبوا بطلب الغاءه مش من حقه وخصوصا في مشرف للقسم
واي عضو بشوف موضوع مش عاجبه لا يضع اي رد ولا يشارك به بالاساس

ويا سيد محمد حتى اكون فلسطيني لازم اكون حماس رجاءا ولازم تفرض رايك على الاعضاء
اما موضوع مشاركة ابو شادي الاخيرة مش بمحله
نهائيا ا ........

الاخ محمد نصري/
يبدو انك لم تفهم طبيعة موضوعي
انت يا حبيب في منتدى القضايا
يعني وظيفتي في هذا المنتدى طرح القضايا بغض النظر عن وجهة نظري منها
ولكن الهدف منها ان تكون موضوع للنقاش لبيان ورأي جميع الاعضاء فيها لنخرج بنتيجه مفيده
والرأي المقنع سوف يؤثر في باقي الاعضاء ويصحح معلوماتهم وطريقة تفكيرهم بالنسبه للقضية المطروحه . ولكن وعلى ما يبدو ان هذا الاسلوب وهذه الفكره لم تكن في ذهنك عندما وجهت ردك الى ناقل الموضوع بصفه شخصية على كلا ومن اجل القضايا القادمه ارجو من جميع الاعضاء ان يناقشو الموضوع او القضية المطروحه دون التفكير انه منهج ناقل الموضوع لانه دائما يوجد رأي ورأي اخر كل الحب والاحترام وشكرا على البوسه
اما بالنسبه الى سيادة المراقب العام
ردك في غير مكانه لانه من المؤكد يقصد به اما ناقل الموضوع او احد المشاركين والعبارات التي كتبت هي عبارات لا تليق فهي تحتمل اكثر من معنى وانت مراقب عام ولا احب ان يؤخذ عليك مأخذ فهذا الرد لا يوضع كرد على مشاركات ديمقراطية وخصوصا (كل اناء بما فيه ينضح)
واخشى ان يكون ردك من احد الامور التي تحذر منها وانت عزيز وغالي
ولا اقبل ان يتم انتقادك
وهاي احلى بوسه الك والى السيد محمد

والله وأهلين بالسيد نعمان عواد

زمان عنك والله .. ما شاء الله عليك

شو ف ياصديقي أنا ما بفرض رأيي أبدا ولكن الواقع هو الذي يفرض الحقيقه عليك وعلي

وأشرف قبل فترة نشر موضوع عن التأكد من صدق المواضيع وهو نشر قصة غير واقعية ومنطقية ومش بس بتزعلني كفلسطيني وبتزعل كل شخص بنتمي لفلسطين

وأنا ما طلبت إلغاء الموضوع إلا لأجل فض الحساسيه المفرطه عند بعض الأعضاء

وفي الأيام الجاي رح أناقش بطريقه لا نهائيه لحتى يثبت الله الحق ويزهق الباطل

وإلي بدو يزعل يزعل

وشكرا على البوسه بس مش قويه ... لو سمحت تقويها أكثر

ما راح ارد يا احلى محمد نصري
لانو مش من عوايدي اخض المي
بس ارجع لردي السابق وبتلاقي الرد فيه يا غالي

بس انا عكسك بهمني زعل الناس
اللي بزعل مني يحكيلي وانا بعتذرلو اذا كنت مخطيء

شكرا على مرورك يا احلى محمد نصري

كلامك صحيح يا اشرف ولسه في خفايا اكبر من هيك والطامه الكبرى ان الشعب هو الضحيه وايمن طه مش بس فلل وكمان تهريب المال لحسابه من الانفاق والعديد من الامور التي يندا لها الجبين وما خفي كان اعظم

يطعمك الحجه والناس راجعه

الموضوع سكروه وردوا فتحوه

خليك فرحان في عيد ميلادك أحسنلك

هتوله كيكه يا عمي خلينا نحتفل في عيد ميلاده ويلى احتفال عالفاضي ما بنقبل بهالحكي

وما خفي تبعتك كان أعظم يا أبو محمود انطبقت عليكم 50 سنة وما زالت وأكبر مثال

رئيس الديوان إذا بتحب أذكرك وأمين سر الشيخ أبو مازن ههههههههههه

خلينا ساكتين أحسن ويلى يا حبيبي على دحلان مالك من أكبر أبراج دبي وبتقلي أيمن طه

أبو محمود أنا ملاحظ انك ما بتعلق الا على المواضيع إلي بتخص حماس وما في غير هيك

لهدرجة كايدينك هالجماعة

طيب خلينا نسألك سؤال:

انت واحد من الناس ما عشت كل عمرك في الضفة الغربية إلا بعد ما دخلت السلطة الفلسطينية وعلموك إلي علموه ما في غير هيك

طيب ... حسب رتبتك الحاليه وخبرتك إلي اكتسبتها منهم إيش أهم الانجازات إلي قدمت في عصر أبو مازن
وإيش استفاد الشعب الفلسطيني منه في البداية وانتم كأعضاء سلطة في النهاية
وليش الشعب الفلسطيني في فترة من الفترات انقلبوا عليكم وانتخبوا حماس بدالكم
ممكن توضحلنا في إيش غزة بتهمكم رغم انه تم الاتفاق ببيعها لمصر وضمها لخريطتهم
هل انت مع او ضد كل شخص بحارب اسرائيل
شو كانت ردة فعلكم كأعضاء سلطة وقت الحرب على غزة وانتم اسمكم جيش فلسطيني وقلتم نحن ليس جيش غزاوي
إذا تم القضاء على حماس إايش ممكن يصير تغير لصالح فلسطين
هل تعتقد السبب الرئيسي للمشاكل في فلسطين حماس وإذا توقفت نعيش بسلام آمنين مع اسرائيل وشعبها ونكون اخوه متحابين.

وشكرا

الموضوع مفتوح ولكن اغلقناه علشان النظر ببعض المشاركات اللي تسيء الى الاعضاء
ويا ريت يا غالي انك تتجنب العبارات الشخصية
يعني حسام علق على موضوع حماس
بلاش كلمة كايدينك هاي
بعدين الموضوع بخص حماس وانا ما عمري شفت واحد لما بدافع عن اشي بحكي عن اشي ثاني
يعني اذا في اشي عندك عن موضوع حماس اللي كلنا بنحبها وبنحب تكون بدون اخطاء يا ريت تحكيه اما اذا حكيت 100 عام عن السلطه ما رح يكذب او ينفي موضوع حماس
اتذكر انو احنا اولا فتحنا موضوع السلطه قبل كل شيء
يعني احنا ما بنفرق
وخلينا موضوعيين
وشكرا لمرورك يا غالي

يا سيد محمد انا لا احب الجدل البيزنطي وكوضوع بيع غزه لمصر هذا ما اسمعه منك فلسطين هي فلسطين وارجو ان تقرا ما بين الشطور وليس كل ما يقال صحيح ولا كل ما يكتب او ينشر صحيح لو السلطه ما بدها غزه اسال نفسك هذا السؤال لماذا تدفع السلطه 58% من الموازنه لصالح حماس من ماء وكهرباء ودواء وعائداتها تعود لحماس كلنا فلسطينيون ولا داعي للمزايده ولكن عيب مثل هذا الكلام ولا يجوز لك ان تنظر للموضوع بمنظار اعوج او اهوج ولا اريد ام اقول المزيد لان في جعبتي الكثير فالافضل ان نقيس الامور ولا نتشرع في الاجابه او الحكم على الاخرين

خلص يا ابو محمود اذا انت شايف انه جدلي بيزنطي فخلص ولا يهمك بسحب كل كلامي

وفي النهاية بتهمني انت وطز في الباقي

وأنا بعتذر على كلمة كايدينك وما كنت اقصد فيها الاساءة والضرر

حبيبي حسام

بس اعتبرت الموضوع مفتوح ومسموحلنا نخرج كل إلي في جعبتنا

خلص أبو محمود بوعدك من اليوم وطالع رح تلاقيني شخص آخر في النقاش

وشكرا

معلش انا اجيت متاخر اعذيروني نا زلين تسلخوا في حماس انسيتوا انو حماس هزمت اسرائيل في حربها الاخير على غزة والدليل انو اسائيل ما زالت تبكي في مجلس الامن على شان تجبر حماس على الانسحاب من اسرائيل و نسيتوا انو حماس ديمقراطية ووتتقبل الاخر والدليل ما فعلته بالجماعات السلفي بغزة لحظة اعلان الامار الاسلامية ولا نسيتوا العدامات الجماعيه خلصنا عاد ما حكينالكو قبل هيك كل ما واحد ربا لحيتو بدنا نركض وراه مامنخلص

كلام سليم
والله كثير نا مغشوشه ومش عارفه شو عم بصير
لا حول ولا قوة الا بالله
الكل بلعب بهالشعب وكلهم سواء